PARTNERS
Hlatloba Botsebi bja go Fapafapana
Ka gare ga khonsothiamo
ya Metaverse Academy
Hlatloba maatla a tšhomišano a bašomišanimmogo b arena bao ba ikgafetšego go oketša tlhahlo ya dirutegi le phrofešenale makgoning a bohlokwa a theknolotši ya go inela
Mokgokaganyi
Bursa Eskisehir Bilecik Development Agency
BEBKA ke mokgatlo wa selegae wo o laolago tlhabollo ka go oketša kgokaganyo le tirišano lefapheng la bosetšhaba, la phoraebete le mekgatlo ya go sebe ya mmušo; o fana ka ditharollo tša selegae mathateng a selegae le go hlatloša hlabologo yeo e swarelelago ka mokgwa wa diphethogo tše di talamorogo le tukologo ya ekonomi. Gore go fihlelelwe mmono wo, BEBKA e šomišana le mekgatlo ye tshela: Bogwebi, phetogelo go bo talamorogo le titšithale, Tlahlo Mešomong ya Matsogo le Boitlhamelo, Tlhabollo ya Magaeng le go thwalwa ga bafsa.
MOŠOMIŠANIMMOGO 01
Sabanci University
Sabanci University e tsebega boditšhabatšhabeng bjalo ka yunibesithi ya go phegelela nyakišišo le go ihlamela ka Turkey. Ka 2023 SU e beli ye nngwe ya go bewa seemong sa diyunibesithi tše 500 tša godimo lefaseng, ya ba ya bobedi ka Turkey go ya ka Maemo a Lefase a Diyunibesithi. Ka ge sehlopha sa Sabanci se na le maitemogelo a go feta mengwaga ye 20 a nyakišišo le tiragatšo ya Go ithuta Theknolotši ye e Okeditšwego le Ditheknolotši tša go Inela, botsebi bjo bo tla tlišwa phrotšekeng. Mokgokaganyi wo o laotše diphrotšeke tše 3 tša Erasmus+ nakong ya go feta, gomme ga bjale o dira nyakišišo ka AR/VR/XR. Sehlopha se se atlegile go fetša phrotšeke ya naga ya MOOC.
MOŠOMIŠANIMMOGO 02
Universitatea Babes-Bolyai
UBB ke unibesithi ya go tšwa pele ka Romania, ya motlele wa ditšo tše dintši, leloko la dikgwebo tšeo di kopantšwego tša EUTOPIA, e tsepeletše go khwalithi ya godimo, thuto ya boitlhamelo le sebjalebjale, nyakišišo le go rerišana ga selegae. Ka setšo sa thuto seo se thomilego ka 1581, UBB ke yunibesithi ya kgale gape ye kgolo ka Romania, e na le setšhaba sa go feta 50 000. Go thoma ka 2016 go fihla ga bjale UBB e swere maemo a godimo a diyunibesithi ka Romania – Maemong a Diyunibesithi, ao a hlakanyago maemo a boditšhabatšhaba a diyunibesithi, bjalo ka ARWU, QS, THE le tše dingwe.
MOŠOMIŠANIMMOGO 03
Universitat Jaume Ι De Castellon
Yunibesithi ya Jaume I de Castellon (UJI) ke yunibesithi ya setšhaba ya Valencia, yeo e hlamilwego ka 1991 go thuša ka tša selegae, ekonomi, le go hlabolla setšo ka go hlama tsebo. E na le baithuti ba 13,685, e fana ka ditigri tše 32 tša ka tlase ga go aloga , 42 ya tša ka godimo ga go aloga tša mastase, le dikhoso tše 33 tša botsebi mafapheng a mane. Yunibesithi e na le dikgoro tše 28 le mafelo a 14 a nyakišišo ao a tsepeletšego go tsebo ya mafapha a mmalwa, go hlama dikgokagano tša go tia le mafapha a selegae le a ekonomi a Valencian. Ka go hlathwa ke Khomišeni ya Europa, UJI e amogetše sefoka sa “HR Exellence in Research” ka 2020. Go ya ka Maemo a Diyubesithi Lefaseng e seemong sa bo 9 ka Spain ebile ke ye nngwe ya tše 700 tša godimo lefaseng go ya ka lenaneotatelano la Shanghai.
MOŠOMIŠANIMMOGO 04
Vaal University Of Technology
Vaal University of Technology ke intitšhušene ya thuto ya godimo ka Afrika Borwa yeo e hwetšagalago lefelong la histori ya intastriale ya Vaal toropong ya Vanderbijlpark, Mmasepaleng wa Sedibeng. VUT e ngwadiša baithuti bao ba ka bago 20 000 ka ngwaga, ba go tšwa Afrika Borwa le Afrika. Yunibesithi ye e na le difakhalthi tše nne, Fakhalthi ya Saentshe ya tša Botho, Fakhalthi ya Saentshe ya Tiragatšo le Khomphutha, Fakhalthi ya Saentshe ya tša Bolaodi le Fakhalthi ya Entšineering le Theknolotši, tšeo di fanago ka mangwalo a tša thuto a go fapafapana. Leleme la thuto ke English, efela Sesotho, Sepedi le IsiZulu ke maleme ao a bolelwago ke bašomi le baithuti, ebile a šomišwa ditirelong tše dingwe tša yunibesithi.
MOŠOMIŠANIMMOGO 05
Bulgarian-Romanian Chamber Of Commerce And Industry
The Bulgarian-Romanian Chamber of Commerce (BRCC) ke mokgatlo wa phoraebete wa dikhamphani tšeo di nago le kgahlego ya go hlabolla kgwebo ya tšona ka Bulgaria le Romania. Tšhembara ye e dira lefelo la go neelana ka tshedimošo ya mmaraka, dikgokagano tša kgwebo le maitemogelo ao a tsepeletšego go nepo ye tee: go thuša badirelwa go fihlelela kgolo yeo e swarelelegago. BRCC e fana ka phaketše ya ditirelo tšeo di diretšwego badirelwa, re hwetša badirišanimmogo, re rulaganya meletlo ya B2B, hlabolla diphorotšeke go kaonafatša seemo sa kgwebo dinageng tšeo tše pedi. Go ba mokgatlo wa go šoma dinageng tše, boleng bja moswananiši bjo bo okeditšwego bja diphorotšeke tša rena ke bokgoni bja go netefatša phihlelelo ye bonolo go dihlopha tšeo di abelwago tša Bulgaria le Romania, moo re hlamilego phihlelelo ya netweke.
MOŠOMIŠANIMMOGO 06
Centre For Digital Transformation And Innovation Africa (Pty) Ltd
Centre for Digital Transformation and Innovation Africa (CXI-Afrika) ke enthiti ya Afrika Borwa yeo e fanago ka tlhahlo le tlhabollo go phetošo ya tišhithale yeo e tsepeletšego go Bonnete bjo Okeditšwego (Bonnete bja bo Godišitšwego, Bonnete bja Inthaneteng le Bonnete bjo bo Hlakantšwego). Moetapele wa khuetšo ya godimo go go fana ka mabokgoni a phetošo ya khwalithi ya titšithale le go hlama/hlabolla tshedimošo ka Afrika. Go nolofatša phetošo ya tišhithale le boitlhamelo ka tlhahlo le mananeo a thuto le go hlabolla tshedimošo.
MOŠOMIŠANIMMOGO 07
Institute for innovative and preventive job design
FIAP ke institšute ya go se be le poelo ya nyakišišo, yeo e hlamilwego ka 2010 ke sehlopha sa banyakišiši ba mafapha a go mantši. Maikemišetšo a rena ke go šomana le dihlokego tša mmaraka wa sebjalebjale (mešomo) ka diphrotšeke tša R&D tša naga le tša boditšhabatšhaba, go nyakišiša mathata a bohlokwa le ao a diragatšwago le go hlama ditharollo. Mengwageng ya bjale re tsepeletše mafapheng a mane a nyakišišo: New York, Tlhamo ya go Swarelela le Tirišo ya Klaemente, Khoophareišene ya Boditšhabatšhaba ya VET le merero ya go akaretša gohle ya Tlhabollo ya Tirelo.
MOŠOMIŠANIMMOGO 08
Institute of Entrepreneurship Development (IED)
Institute of Entrepreneurship Development (iED) ke mokgatlo wa go dire poelo wo o ikgafelago go hlatlošo ya boitlhamelo le koketšo ya bogwebi. O thomilwego ka 2005, Larissa,Greece, iED ke senthara ya ketapele ya Botswere bogwebing bja Europa le Digital Innovation Hub ya go gola ka pela, e ngwadišitšwe bjalo ka moleloka wa khathaloko ya Khomišene ya Europe ya DIHs.
MOŠOMIŠANIMMOGO 09
Eyesoft
Eyesoft Bilisim ke khamphani ya phoraebete yeo e hwetšagalago Technopark ya Middle East Technical University (METU). Eyesoft Bilisim e tsepelela go nyakišišo le maitemogelo a tlhabollo, kudu go di softwere, go ithuta inthaneteng, tsenelelano ya batho le dikhomphutha, kgodišo ya bonnete, bonnete bja inthaneteng, tšweletšo ya bidio, motleling ya 3D, le dilo tša kekišo. Gape, Eyesoft Bilisim e fana ka therišano mekgatlong ya tšhomišo ya ICT, tlhakanyo ya theknolotši, tatelelo ya mahlo, UX, le mabaka a tšhomišo.
MOŠOMIŠANIMMOGO 10
EON Development AB
EON Reality ke moetapele lefaseng ka Mahlale a Maitirelo- maatla a kgodišo le Bonnete bja inthaneteng, go ya ka maitemogelo a go hlola a thuto le intasteri ya ditharollo tša tlhahlo. Re dumela gore tsebo ke tokelo ya botho ebile e swanetše go ba gona, go fihlelelwa le go rekega go batho ka moka lefaseng.
MOŠOMIŠANIMMOGO 11
PEDAL Consulting SRO
PEDAL Consulting, s.r.o ke feme ye e šomago ka taolo ya boitlhamelo ya go šoma ka bogwebi le tlhabollo ya kgwebo magatong a yona ka moka. E na le maitemogelo a mengwaga ya go feta 12 ya kakanyetšo le tšhomišanommogo ya tiragatšo le dimotlele tša khoporeišene. Mola e šomana le ditlhahlo tša setšhaba. PEDAL, e etšwapele nageng bjalo ka SME ya go tšwa pele ka tšhomo, mola ditšhelete tše ntši tšeo di dumeletšwego le go atlega di le ka tlase ga mananeo a Europe a Horizon 2020, Horizon Europe le COSME. Khomišene. Khamphani ye e gafela maitapišo a yona go fetoleng dikgopolo tše botse go tšwa go lepo go ba ditharollo tša mmaraka tše eteletšwegopele ke kgwebo. PEDAL Consulting e na le dinetweke tše dingwe dinageng ka moka tšeo di le lego maloko a EU, efela le ka Europe, Eurasi, Africa, MENA, South America, le United States
MOŠOMIŠANIMMOGO 12
TWINNOVATION
Twinnovation ke khamphani yeo e lego Israel yeo e thekgago diSME le Dikgwebo tše thomago go fihlelela thušo ya matlotlo yeo e sa fokotšego bongkgwebo ya go tšwa dikranteng tša EU tša diphrotšeke tša boitlhamelo. Re šomana le mafapha a go fapana, go akaretša Maphelo, Enetši ya go Hlweka, Ditheknolotši tša go Emiša, Theknolotši ya go Tsenelela, ICT le go phelega gabotse. Re thuša bareki ka go lekola le go hlama dimotlele tša bona tša kgwebo, go ba lokišetša go dira dikgopelo le go ba bontšha tshepedišo ka moka.
© 2024 METAVERSE ACADEMY. Ditokelo ka moka ke tša Metaverse. E thušwa ke Institute of Entrepreneurship Development (iED).